ខេត្តស្ទឹងត្រែងមានករណីស្លាប់ដោយសារកូវីដ១៩លើកទី១ ជាសមាជិកប្រឹក្សាខេត្ត
លោក ថាក់ ខាំតាន់ អាយុ៧២ឆ្នាំ ជាសមាជិកក្រុមប្រឹក្សាខេត្ត បានទទួលមរណភាព ហើយត្រូវបានគេធ្វើតេស្តរកឃើញមានវិជ្ជមានជំងឺកូវីដ១៩។
យោងតាមសេចក្តីប្រកាសព័ត៌មានរបស់រដ្ឋបាលសាលាខេត្តដែលចេញយប់នៅថ្ងៃទី១៤ ខែកក្កដា ឆ្នាំ២០២១ បានបញ្ជាក់ថា លោក ថាក់ ខាំតាន់ បានទទួលមរណភានៅគេហដ្ឋានរបស់លោក ក្នុងភូមិកោះសំពាយ ឃុំកោះសំពាយ ស្រុកសៀមបូក ខេត្តស្ទឹងត្រែង កាលពីវេលាម៉ោង៧យប់ ថ្ងៃទី១៣ ខែកក្កដា លុះដល់ថ្ងៃទី១៤ ខែ ឆ្នាំដដែល សពរបស់លោកថាក់ ខាំតាន់ ត្រូវបានរកឃេីញថា មានផ្ទុកមេរោគកូវីដ១៩ ក្រោយពីយកសំណាកទៅធ្វេីតេស្តនៅភ្នំពេញ។
ចាប់តាំងពីផ្ទុះកូវីដរហូតមកដល់ពេលនេះ ខេត្តស្ទឹងត្រែង ទេីបតែមានអ្នកស្លាប់លេីកទី១ ដោយសារមេរោគកូវីដ១៩ គឺលោក ថាក់ ខាំតាន់។
រហូតមកដល់ពេលនេះ ខេត្តស្ទឹងត្រែង មានអ្នកឆ្លងសរុប ៤៣៧នាក់ ស្ត្រី១៩៦នាក់ ជាសះស្បេីយ ១៥៦នាក់ កំពុងសម្រាកព្យាបាល ២៨១នាក់ និងស្លាប់១នាក់៕
