អភិបាលខេត្តកំពង់ចាម បានអញ្ជើញបន្តដំណើរ ចុះពិនិត្យការដ្ធានស្ថាបនាផ្លូវក្រាលកៅស៊ូប្រភេទ(DBST)១ខ្សែ ប្រវែង៤,៥០០ម៉ែត្រ ស្ថិតនៅក្នុងជំុសូទិព្វស្រុកជើងព្រៃ
ពង់ចាម ៖នៅរសៀលថ្ងៃទី២៤ ខែកញ្ញា ឆ្នាំ២០១៩នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញបន្តដំណើរ ដឹកនាំមន្ត្រីជំនាញពាក់ព័ន្ធ ចុះពិនិត្យការដ្ឋានស្ថាបនាផ្លូវក្រាលកៅស៊ូប្រភេទ (DBST) មួយខ្សែមានប្រវែង៤,៥០០ម៉ែត្រ ស្ថិតនៅក្នុងឃុំសូទិព្វ ស្រុកជើងព្រៃ ដែលសម្រេចបានប្រមាណជា៥០% ហេីយ ។
តាមមន្ត្រីបច្ចេកទេសបានឲ្យដឹងថា គម្រោងស្ថាបនាផ្លូវខាងលើមកទល់នឹងពេលនេះ ក្រុមការងារបានបង្ហាប់គ្រឹះខាងក្រោមជាមួយនឹងកម្ទេចថ្មភ្នំសម្រេចបានប្រមាណជា៥០%ហើយ នៅឡើយតែចាក់រោយថ្មបន្ថែម ជាមួយកៅស៊ូទេីបសម្រេចបាន១០០%នាពេលខាងមុខឆាប់ៗនេះ។
បន្ទាប់មកបានបន្តដំណើរចុះពិនិត្យមើលផ្លូវនិងស្ថានភាពទំនប់ ពីភូមិដូនដុំ ទៅបឹងជ្រោយ ពិនិត្យការដ្ឋានគម្រោងជួសជុលផ្លូវប្រវែង ៣.៩០០ម៉ែត្រ ពីភូមិផ្តៅជុំ ដល់ភូមិឈើទាល ស្រុកជើងព្រៃ ដែលជួសជុលដោយកងកំលាំងវិស្វកម្ម ។