ខេត្តតាកែវចាប់ផ្តើមបើកយុទ្ធនាកាចាក់វ៉ាក់សាំងកូវីដ១៩ ជូនដល់បងប្អូនប្រជាពលរដ្ឋនៅស្រុកសំរោង និងស្រុកបាទី
(តាកែវ) ៖ ទីបំផុតទៅស្រុកចំនួន២ នៃខេត្តតាកែវ គឺស្រុកសំរោង និងស្រុកបាទី បានចាប់ផ្តើមធ្វើយុទ្ធនាការចាក់វ៉ាក់សាំងកូវីដ១៩ជូនដល់ប្អូនប្រជាពលរដ្ឋ កម្មករ និងព្រះសង្ឃហើយ ក្រោយពីរាជរដ្ឋាភិបាលកម្ពុជាបានផ្តល់វ៉ាក់សាំងប្រភេទ ស៊ីណូវ៉ាក់ ចំនួន ៤០ម៉ឺនដូស។
ថ្លែងក្នុងការចុះត្រួតពិនិត្យការបើកយុទ្ធនាការចាក់វ៉ាក់សាំងកូវីដ១៩ នៅតាមមូលដ្ឋានស្រុកសំរោង និងស្រុកបាទី លោក អ៊ូច ភា អភិបាលខេត្តតាកែវបានលើកឡើងថា យុទ្ធនាការចាក់វ៉ាក់សាំងការពារជម្ងឺកូវីដ១៩នេះ គឺមានសារៈសំខាន់ខ្លាំងណាស់ ក្នុងការជួយដល់បងប្អូនប្រជាពលរដ្ឋរបស់យើងឲរួចផុតពីការគម្រាមកំហែង នៃជម្ងឺឆ្លងកូវីដ១៩ ដែលនៅលើសកលលោកបាននឹងកំពុងមានការកម្រាមកំហែង និងស្លាប់ដោយសារតែមេរោគកូវីដនេះ ដូច្នេះសូមបងប្អូនប្រជាពលរដ្ឋទាំងអស់ចូលរួមចាក់វ៉ាក់សាំងការពារឲបានគ្រប់ៗគ្នា ។
សូមបញ្ជាក់ថា យុទ្ធនាការចាក់វ៉ាក់សាំងការពារជម្ងឺកូវីដ១៩នេះ គឺរៀបចំដោយក្រសួងការពារជាតិ ដែលនៅស្រុកសំរោងគឺរៀបចំចាក់វ៉ាក់សាំងដោយក្រុមគ្រូពេទ្យកងទ័ពជើងអាកាស និងនៅស្រុកបាទី ចាក់ដោយក្រុមគ្រូពេទ្យយោធភូមិភាគពិសេស និងមានការរួមសហការពូអាជ្ញាធរស្រុកពាក់ព័ន្ធ ដោយយុទ្ធនាការនេះមិនទាន់គិតពីពេលវេលានោះទេ គឺចាក់ដល់បងប្អូនប្រជាពលរដ្ឋទាំងអស់ដែលមាននៅក្នុងមូលដ្ឋានស្រុកនីមួយៗ ៕
