ពលករខ្មែរជាង ២ពាន់នាក់វិលត្រឡប់មកប្រទេសកម្ពុជាវិញ ក្រោយថៃបិទជំរុំកម្មករ
កាសែតបាងកកប៉ុស្តិ៍របស់ថៃបានរាយការណ៍នៅថ្ងៃនេះថា ជនចំណាកស្រុកកម្ពុជាប្រមាណជាង ២ពាន់នាក់បានវិលត្រឡប់ទៅប្រទេសកម្ពុជាវិញ តាមរយៈច្រកព្រំដែនចុងឆោមក្នុងខេត្តសុរិន្ទ បន្ទាប់ពីនាយករដ្ឋមន្រ្តីថៃ ប្រាយុធ ចានអូចា បានបញ្ជាឱ្យបិទទីតាំងជំរុំនានានៅទូទាំងទីក្រុងបាងកក ជាវិធានការទប់ស្កាត់ការចម្លងជំងឺកូវីដ១៩។
បាងកកប៉ុស្តិ៍បាននិយាយថា ពលករខ្មែរទាំងប្រមាណជាង ២ពាន់នាក់នោះ បានឆ្លងដែននៅច្រកទ្វារព្រំដែនជាំ ហើយក្នុងនោះមានពលករចំនួន ២៣៩នាក់ត្រូវបានគេតេស្តរកឃើញមានវីរុសកូវីដ១៩ កាលពីថ្ងៃអាទិត្យ។
