គ្រួសារជនរងគ្រោះស្នើអធិការស្រុកកោះធំ ជួយរកយុត្តិធម៌ ករណីប៉ុនប៉ងមនុស្សឃាត
(កណ្តាល) ៖ ក្រុមគ្រួសារជនរងគ្រោះ ទិន តួ អាយុ២២ឆ្នាំ រស់នៅភូមិទួលស្វាយ ឃុំកំពង់កុង ស្រុកកោះធំ ដែលត្រូវគេកាប់នឹងកណ្តៀវបណ្តាលឲ្យរបួសក្បាលយ៉ាងដំណាំ បានស្នើដល់លោក សិន ឃាង អធិការស្រុកកោះធំ មេត្តាជួយរកយុត្តិធម៌ និងតាមចាប់ខ្លួនជនបង្ករ យកមកផ្តន្ទាទោសតាមច្បាប់។
បើតាមក្រុមគ្រួសារជនរងគ្រោះ ករណីនេះបានកើតឡើងកាលពីវេលាម៉ោងប្រមាណ៩ និង៣០នាទីយប់ថ្ងៃទី១៩ ខែកក្កដា ឆ្នាំ២០២២កន្លងទៅនេះ ក្រោយជនសង្ស័យត្រូវគេស្គាល់ឈ្មោះថា ឃន ស្នា អាយុ២៨ឆ្នាំ រស់នៅក្នុងភូមិឃុំជាមួយ បានបើកណ្តៀវកាប់មកលើជនរងគ្រោះបណ្តាលឲ្យរយះក្បាលរងរបួសធ្ងន់ និងត្រូវបានបញ្ជូនទៅកាន់មន្ទីរពេទ្យ។
យ៉ាងណាក៏ដោយ មកទល់ពេលនេះ ជនបង្ករមិនទាន់ត្រូវបានចាប់ខ្លួននៅឡើយទេ ខណៈពាក្យបណ្តឹងក៏បានដាក់រួចរាល់ហើយ។
ជាមួយគ្នានេះ ក្រុមគ្រួសារជនរងគ្រោះដែលកំពុងមានស្ថានភាពជីវភាពខ្សត់ខ្សោយផងនោះ បានស្នើដល់លោក សិម ឃាង អធិការស្រុកកោះធំ សូមមេត្តាជួយរកយុត្តិធម៌ឲ្យកូនគាត់ និងចាត់ការទៅលើជនដៃដល់មកផ្ដន្ទារទោសតាមច្បាប់៕
