កម្លាំងប៉ុស្តិ៍នគបាលរដ្ឋបាលបឹងខ្យាង សហការបង្រ្កាបករណីគ្រឿងញៀន ឃាត់ខ្លួនមនុស្ស៥នាក់
កាលពីរំលងអធ្រាត្រឈានចូលថ្ងៃទី១១ ខែសីហា ឆ្នាំ២០២៣ កម្លាំងប៉ុស្តិ៍នគរបាលបឹងខ្យាង បានចូលរួមសហការជាមយយកម្លាំងផ្នែកប្រឆាំងគ្រឿងញៀន និងកម្លាំងប្រជាការពារ បានចុះបង្រ្កាបករណីគ្រឿងញៀន ដោយឃាត់ខ្លួនមនុស្សសរុប៥នាក់។
ការឈានដល់ការបង្រ្កាប និងឃាត់ខ្លួនមនុស្សនេះ គឺក្រោយពីកម្លាំងបានចេញល្បាតតាមភូមិសាស្ត្រផ្លូវជាតិលេខ ២ ហើយពេលមកដល់ចំណុចតូបលក់ចាប់ហ៊ួយ២៤ម៉ោងតាមបណ្តោយផ្លូវជាតិលេខ២ស្ថិតក្នុងភូមិបឹងខ្យាង ឃុំ បឹងខ្យាង ស្រុកកណ្តាលស្ទឹង ខេត្តកណ្តាល ក៏បានឃើញជនសង្ស័យចំនួន ៥នាក់ កំពុងតែអង្គុយ ដោយមានការសង្ស័យ កម្លាំងសមត្ថកិច្ចយើងក៏បានចូលធ្វើការឃាត់ខ្លួន។
ក្រោយការសួរនាំ និងឆែកឆេ សមត្ថកិច្ចបានរកឃើញថ្នាំញៀនចំនួន ៣ កញ្ចប់តូច ក្រោយជនសង្ស័យបានទម្លាក់នៅក្រោមតុ និងទុកក្នុងកាបូបស្ពាយរបស់ខ្លួន ភ្លាមនោះ កម្លាំងសមត្ថកិច្ចក៏បានឃាត់ខ្លួន ជនសង្ស័យរួមនឹងវត្ថុតាង នៅនឹងកន្លែងកើតហេតុ។ បន្ទាប់មកកម្លាំងជំនាញក៏បាននាំខ្លួនជនសង្ស័យរួមទាំងវត្ថុតាងមកកាន់អធិការដ្ឋានស្រុកតែម្ដង។
តាមចម្លើយសារភាពរបស់ ជនសង្ស័យ ទាំង ៥នាក់បានសារភាពថា ថ្នាំញៀនចំនួន ៣ កញ្ចប់នេះ ពិតជារបស់ខ្លួននិងបក្សពួករបស់ខ្លួនពិតប្រាកដមែន ដែលបានទិញពីឈ្មោះ តាក់ ភេទប្រុស អាយុប្រហែល ៣២ឆ្នាំ ស្នាក់នៅផ្ទះជួលក្នុងឃុំ ព្រែកស្លែងស្រុកកណ្តាលស្ទឹង ខេត្តកណ្តាល ហើយខ្លួនបានបន្តថា ខ្លួនធ្លាប់បានប្រើប្រាស់ថ្នាំញៀន អស់រយៈពេល ២ឆ្នាំមកហើយ។ ក្រៅពីប្រើប្រាស់ថ្នាំញៀន ខ្លួនមិនធ្លាប់បានប្រព្រឹត្តបទល្មើស លួចឆក់ប្លន់អ្វីនោះទេ។
បច្ចុប្បន្នជនសង្ស័យ រួមជាមួយវត្ថុតាង ត្រូវបានបញ្ជូនមកកាន់អធិការដ្ឋាននគរបាលស្រុក ដើម្បីសាកសួរបន្ត និងកសាងសំណុំរឿងចាត់ការតាមនីតិវិធី។
សូមបញ្ជាក់ថា ជនសង្ស័យចំនួន ០៥ នាក់ ៖
១-ឈ្មោះវ៉ាត ដាវីត ភេទប្រុស អាយុ ២៥ ឆ្នាំ សញ្ជាតិខ្មែរទីលំនៅភូមិ តាំងឬស្សី ឃុំពត់សរ ស្រុកបាទីខេត្តតាកែវ មុខរបរកម្មកររោងចក្រ(ឃាត់ខ្លួន)។
២-ឈ្មោះ ប៉ុម ចាន់រ៉ាត់ ភេទប្រុស អាយុ ២៣ ឆ្នាំ សញ្ជាតិខ្មែរ មានទីលំនៅ ភូមិព្រៃតាថុក ឃុំព្រែកស្លែង ស្រុកកណ្តាលស្ទឹង ខេត្តកណ្តាល មុខរបរមិនពិតប្រាកដ (ឃាត់ខ្លួន)។
៣-ឈ្មោះ ម៉ៅ វាសនា ភេទប្រុស អាយុ ២៣ ឆ្នាំ សញ្ជាតិខ្មែរមានទីលំនៅភូមិពត់សរ ឃុំពត់សរ ស្រុកបាទីខេត្តតាកែវ មុខរបរកម្មកររោងចក្រ(ឃាត់ខ្លួន)។
៤-ឈ្មោះ ណារិន រដ្ឋ ភេទប្រុស អាយុ២៥ ឆ្នាំសញ្ជាតិខ្មែរ មានទីលំនៅភូមិឃ្លាំងសម្បត្តិ ឃុំពត់សរ ស្រុកបាទី ខេត្តតាកែវ មុខរបរមិនពិតប្រាកដ(ឃាត់ខ្លួន)។
៥-ឈ្មោះ ម៉ែន វណ្ណះ ភេទប្រុស អាយុ ១៦ ឆ្នាំ សញ្ជាតិខ្មែរ មានទីលំនៅ ភូមិ ព្រៃតាថុក ឃុំព្រែកស្លែង ស្រុកកណ្ដាលស្ទឹង ខេត្តកណ្ដាល មុខរបរ មិនពិតប្រាកដ(ឃាត់ខ្លួន)។
ដោយឡែក វត្ថុតាងចាប់យករួមមាន ៖
- ម្សៅក្រាមសថ្លាសង្ស័យជាសារធាតុញៀន(ម៉ាទឹកកក)ចំនួន ០៣កញ្ចប់តូច
- ម៉ូតូមួយគ្រឿងម៉ាក Honda dream c125ពណ៍ សេរី ឆ្នាំ២០២០ គ្មានស្លាកលេខ លេខតួ ND125ME-5817954។
- ទូរសព្ទ័ដៃម៉ាក oppo ពណ៍ខ្មៅចំនួន ០១។
- កែវសំរាប់ជក់ថ្នាំ ចំនួន ០២។
