មនុស្សពីរក្រុមដេញប្រហារគ្នាស្លាប់ម្នាក់នៅតាមបណ្តោយផ្លូវជាតិលេខ២
តាកែវ – បុរសម្នាក់បានស្លាប់នៅហ្នឹងកន្លែង ក្រោយពីមានការវាយប្រហារគ្នារវាងមនុស្ស២ក្រុមកាលពីយប់ថ្ងៃទី១៦ ខែកុម្ភៈ ឆ្នាំ២០២២ នៅតាមបណ្តោយផ្លូវជាតិលេខ២ ចំណុចភូមិភូនភ្នំ ឃុំត្រពាំងសាប ស្រុកបាទី ខាងជើងផ្សារសំរោងយ៉ោង។
ជនរងគ្រោះដែលបានស្លាប់នោះ ត្រូវបានគេបញ្ជាក់ថា មានឈ្មោះ សឿន សុខសាន ភេទប្រុស មានទីលំនៅភូមិខ្ពបលេី ឃុំខ្ពប ស្រុកស្អាង ខេត្តកណ្ដាល ។
ជនរងគ្រោះបានធ្វើដំណើរជាមួយមនុស្ស៤នាក់ផ្សេងទៀតតាមម៉ូតូ ដែលមាន ១.ឈ្មោះម៉ុត ស្វិតអាយុ២២ឆ្នាំរស់នៅភូមិដំរីឆ្លង ឃុំព្រែកគយ ស្រុកស្អាង ខេត្តកណ្ដាល, ២.ឈ្មោះ សឿន សុខប៉ាយ អាយុ២៤ឆ្នាំ រស់នៅភូ មិខ្ពបលេីឃុំខ្ពបស្រុកស្អាងខេត្តកណ្ដាល, ៣.ឈ្មោះ ហ៊ង ប៊ុនរិទ្ធ អាយុ១៧ឆ្នាំ រស់នៅភូមិខ្ពបលេី ឃុំខ្ពប ស្រុកស្អាងខេត្តកណ្ដាល និង៤.ឈ្មោះ យ៉េង ស្រីណាន់ ភេទស្រី អាយុ១៩ឆ្នាំ រស់នៅភូមិខ្ពបលេី ឃុំខ្ពប ស្រុកស្អាង ខេត្តកណ្ដាល។
តាមលោក សៅ ប៉េស (ហៅនាយផ្លយ) ដែលមានទីលំនៅក្បែរកន្លែងកើតហេតុបានបញ្ជាក់ថា ករណីវាយប្រហារនេះ បានកើតឡើងកាលពីវេលាម៉ោងប្រមាណ ១០ និង២០នាទីយប់ថ្ងៃទី១៦ ខែកុម្ភៈ ឆ្នាំ២០២២ ដោយលោកមិនដឹងថា មានរឿងហេតុអ្វីនោះឡើយ គ្រាន់តែដឹងថា ភាគីម្ខាងទៀត គឺមានគ្នីគ្នាប្រមាណ១០នាក់។
យ៉ាងណាក៏ដោយ ចំពោះករណីនេះ កម្លាំងអធិការដ្ឋាននគរបាលស្រុកបាទីកំពុងធ្វេីការស្រាវជ្រាវ និងកំណត់មុខសញ្ញាជនសង្ស័យដើម្បីយកមកផ្តន្ទាទោសហើយ៕
