ប្រទះឃើញគ្រាប់ទម្ងន់ជាង ៣៤០គីឡូក្រាមនៅស្រុកត្រាំកក់ ខេត្តតាកែវ
គ្រាប់ទម្លាក់ពីយន្តហោះប្រភេទM117 ដែលមានទម្ងន់ជាង៣៤០គីឡូក្រាម ត្រូវបានគេប្រទះឃើញនៅក្នុងរណ្តៅដីមួយកន្លែងស្ថិតនៅភូមិបាត់កូដ ឃុំលាយបូ ស្រុកត្រាំកក់ កាលពីថ្ងៃទី៦ ខែធ្នូ ឆ្នាំ២០២១ កន្លងទៅនេះ។
ក្រោយការប្រទះឃើញគ្រាប់នេះ លោក ហេង រតនា អគ្គនាយកស៊ីម៉ាក់បានលើកឡើងនៅលើទំព័រ facebook របស់លោកថា កុំឃេីញតែរូបភាពខាងក្រៅមេីលស្រាលថាគ្រាប់ចាស់ៗនោះ សុំមេីលក្បាលបង្កផ្ទុះនោះនៅរក្សារូបរាងនិងប្រសិទ្ធភាពផ្ទុះ។
ជាមួយគ្នានេះលោកក៏បានអំពាវនាវឱ្យប្រុងប្រយត្ន័សុវត្ថិភាពខ្ពស់បំផុត បេីសិនជាជីកដីប៉ះគ្រាប់នេះហេីយផ្ទុះវិញនោះ គឺបង្កគ្រោះថ្នាក់គ្មានសល់អ្វីទេ ដោយរួមទាំងអ្នកបេីកបរនិងគ្រឿងចក្រអេស្កាផងដែរ៕
