កម្ពុជាទើបទិញឧត្ធម្ភាគចក្រ Mi-17 ចំនួន៣គ្រឿង សម្រាប់កងទ័ពអាកាស

ឧត្ធម្ភាគចក្រ Mi-17 ចំនួន៣គ្រឿង ត្រូវ​បាន​កម្ពុជា​ទិញ សម្រាប់បំពាក់ជូន​ដល់កង​យោធពលខេមរភូមិន្ទ។

លោកនាយឧត្ដមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ ក្នុងឱកាស​ចុះ​ត្រួតពិនិត្យឧត្ធម្ភាគចក្រ Mi-17 ទាំង៣គ្រឿងនោះបាន​ឲ្យដឹងថា ឧត្ធម្ភាគចក្រនេះ គឺជា​ការផ្តល់ជូនរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា សម្រាប់កងយោធពលខេមរភូមិន្ទ ដើម្បីបម្រើក្នុងកិច្ចប្រតិបត្តិការបានលឿនទាន់ពេលវេលា។

បើយោងតាមគេហទំព័រ  Wikipedia ឧត្ធម្ភាគចក្រ Mi-17 គឺត្រូវបានផលិតដោយប្រទេសរុស្ស៊ី ឧទ្ធម្ភាគចក្រនេះភាគច្រើនត្រូវ​គេ​ប្រើប្រាស់​សម្រាប់ការដឹកជញ្ជូន៕