តម្លៃប្រេងសាំងនៅកម្ពុជាបន្តឡើងដល់ ៤០០០រៀលក្នុងមួយលីត្រ
បើតាមតារាងកំណត់តម្លៃលក់រាយតាមស្ថានីយ៍ ដែលកំណត់ដោយក្រសួងពាណិជ្ជកម្ម ដោយអនុវត្តចាប់ពីថ្ងៃទី០១ ដល់ថ្ងៃទី១៥ ខែកក្កដា ឆ្នាំ២០២១ បានបង្ហាញថា តម្លៃប្រេងសាំងធម្មតា បានហក់ឡើង ៤ ០០០រៀល ក្នុងមួយលីត្រ ខណៈប្រេងម៉ាស៊ូតឡើងដល់ ៣ ៦០០រៀល។
តម្លៃនេះ បើធៀបនឹងតម្លៃកាលពីពាក់កណ្តាលខែមេសាមក ឃើញថា តម្លៃប្រេងសាំងបានកើនជាបន្តបន្ទាប់ ដោយក្រសួងបានបញ្ជាក់ថា ក្រសួងមិនមែនជាអ្នកកំណត់ទេ គឺក្រសួងគ្រាន់តែស្រង់តម្លៃឡើងចុះ នៃប្រេងតាមទីផ្សារអន្តរជាតិ៕
