ស្រុកបាទីប្រកាសចូលកាន់តំណែងក្រុមប្រឹក្សាស្រុកអាណត្តិទី៤
នៅព្រឹកថ្ងៃទី១២ ខែមិថុនា ឆ្នាំ២០២៤នេះ រដ្ឋបាលស្រុកបាទីបានរៀបចំពិធីប្រកាសចូលកាន់តំណែងក្រុមប្រឹក្សាស្រុកអាណត្តិទី៤ ក្រោយពីបានធ្វើការបោះឆ្នោត និងប្រកាសលទ្ធផលដោយគណៈកម្មការរៀបចំការបោះឆ្នោតកាលពីពេលថ្មីៗនេះ។
ការប្រកាសចូលកាន់តំណែងក្រុមប្រឹក្សាស្រុកបាទីអាណត្តិទី៤ បានធ្វើឡើងក្រោមអធិបតីភាព លោក លី សាវ៉េត អភិបាលរង តំណាងដ៏ខ្ពង់ខ្ពស់ អភិបាលខេត្តតាកែវ, លោក ភួន ឈីម អភិបាលស្រុកបាទី និងមន្រ្តីក្រោមឱវាទជាច្រើនទៀត។
ក្នុងឱកាសនោះ លោក តែ ឆុន ប្រធានក្រុមប្រឹក្សាស្រុកបាទី បានបង្ហាញចំណាប់អារម្មណ៍ និងការប្ដេជ្ញាចិត្តជូនគណៈអធិបតី និងអង្គពិធីទាំងមូល។ ជាមួយគ្នានេះ លោក លី សាវ៉េត អភិបាលរងខេត្តតាកែវ ក៏បានមានប្រសាសន៍ផ្ដាំផ្ញើទៅដល់ប្រធានក្រុមប្រឹក្សាស្រុកថ្មី ឱ្យចេះស្រឡាញ់រាប់អានគ្នា រវាងផ្ទៃក្នុងទាំងមូល។
