ឧកញ៉ា គង់ ចាន់ដេត នាំយកអំណេាយចែកជូនបងប្អូនប្រជាពលរដ្ឋដែលជាសះស្បើយពីជំងឺកូវីដ១៩ចំនួន១០៩នាក់នៅវិទ្យាល័យប៊ុន រានីហ៊ុនសែនបាទី
តាកែវ ៖ នៅព្រឹកថ្ងៃទី២០ ខែមិថុនា ឆ្នាំ២០២១ លោកឧកញ៉ា គង់ ចាន់ដេត រួមជាមួយនឹងអាជ្ញាធរស្រុកបាទី បាននាំយកអំណេាយទៅចែកជូនដល់បងប្អូនប្រជាពលរដ្ឋជាបានជាសះស្បើយពីជំងឺកូវីដ១៩ ចំនួន១០៩នាក់ មកពីស្រុកចំនួន២ គឺស្រុកសំរេាង និងស្រុកបាទី នៅវិទ្យាល័យប៊ុនរ៉ានីហ៊ុនសែនបាទី។
ក្នុងឱកាសនោះ លោកឧកញ៉ា គង់ ចាន់ដេត បានមានប្រសាសន៍ ដោយចូលរួមអបអរសាទរដល់ក្រុមគ្រូពេទ្យប្រចាំការក្នុងស្រុកបាទីដែលយកចិត្តទុកដាក់ព្យាបាលអ្នកជំងឺកូវីត១៩ជាសេះស្បេីយចំនួន១០៩នាក់នៅមណ្ឌលវិទ្យាល័យ ប៊ុន រានីហ៊ុនសែនបាទី ហើយក៏បានសំណូមពរដល់បងប្អូនប្រជាពលរដ្ឋដែលជាសះស្បើយទាំងអស់ សូមអនុវត្តនូវវិធានការការពារជំងឺកូវីដ១៩ ដែលបានដាក់ចេញដោយអាជ្ញាធរសុខាភិបាល ក៏ដូចជាសម្តេចតេជោនាយរដ្ឋមន្រ្តី កឺ ៣កុំ ៣ការពារ ដោយកុំធ្វេសប្រហែសឲ្យសោះ។
ជាមួយគ្នានេះ លោក ភួន ឈីម អភិបាលស្រុកបាទី ក៏បានផ្តាំផ្ញើដល់បងប្អូនប្រជាពលរដ្ឋដែលទើបជាសះស្បើយទាំងអស់ ពេលត្រឡប់ទៅផ្ទះវិញ សូមធ្វើចត្តាឡីស័កចំនួន ១៤ថ្ងៃ ហើយត្រូវតែថែរក្សាសុខភាពឲ្យបានល្អ។
សូមបញ្ជាក់ថា អ្នកជំងឺកូវីដ១៩ដែលទើបជាសះស្បើយទាំង ១០៩នាក់ ទទួលបានអំណោយក្នុងម្នាក់ម៉ាស់១ដុំ ទឹកបរិសុទ្ធ១កេះ និងទឹកប្រាក់ ចំនួន ៥មុឺនរៀល។
ក្នុងនោះលោកឧកញ៉ា គង់ ចាន់ដេត ក៏បានឧបត្ថម្ភដល់កងរាជអាហត្ថស្រុកបាទីនូវទឹកប្រាក់ចំនួន១លានរៀល, នគរបាលស្រុកបាទីចំនួន១លានរៀល, រដ្ឋបាលស្រុកបាទីចំនួន ៥០០ដុល្លារ និងក្រុមគ្រូពេទ្យបង្អែកស្រុកបាទីចំនួន ១លាន ៦០មុឺនរៀល ផងដែរ៕
