គណៈបញ្ជាការឯកភាពស្រុកបាទី ចុះត្រួតពិនិត្យអាវុធជាតិផ្ទុះ និងជាតិអាកុល តាមបណ្តោយផ្លូវជាតិលេខ២
គណៈបញ្ជាការឯកភាពស្រុកបាទី កាលពីយប់ថ្ងៃទី១៨ ខែកុម្ភៈ ឆ្នាំ២០២៤ បានចុះត្រួតពិនិត្យ អាវុធជាតិផ្ទុះ និងត្រួតពិនិត្យផ្លុំជាតិអាកុល នៅតាមបណ្ដោយផ្លូវជាតិលេខ២ ត្រង់ចំណុចច្រកចូលភ្នំតាម៉ៅ ស្ថិតក្នុងភូមិកណ្ដឹងធំ ឃុំកណ្ដឹង។
សកម្មភាពនេះ ដឹកនាំដោយលោក ហង្ស វិច្ឆិការ រាង្សី អភិបាលរងស្រុកបាទី ដោយមានកម្លាំងចូលរួមសរុប៣០នាក់ ក្នុងនោះលោក នេក រ៉ា នាយរងរដ្ឋបាលស្រុកបាទី ដឹកនាំកម្លាំង៦នាក់, លោក ហ៊ន គន់ម៉ូវ អធិការរងស្រុកបាទី ដឹកនាំកម្លាំង ២១នាក់, លោកសឹង្ហ វណ្ណះ នាយសេនាធិការស្រុក ដឹកនាំកម្លាំងបីនាក់។
គួរបញ្ជាក់ថា ការចុះត្រួតពិនិត្យអាវុធជាតិផ្ទុះ និងត្រួតពិនិត្យជាតិអាកុលនេះ គឺធ្វើឡើងតាមការដាក់ចេញនូវបទបញ្ជារបស់ឯកឧត្តមអភិបាលខេត្តតាកែវ ក្នុងការពារនូវសុវត្ថិភាពតាមដងផ្លូវ។
សូមបញ្ជាក់ថា ប្រតិបត្តិកនេះ ត្រូវបានអនុវត្តចាប់ពីវេលាម៉ោង៩យប់ថ្ងៃទី១៨ ខែកុម្ភៈ និងបញ្ចប់ទៅវិញនៅវេលាម៉ោង១រំលងអធ្រាតឈានចូលថ្ងៃទី១៩ ខែកុម្ភៈ ឆ្នាំ២០២៤៕
