កងរាជអាវុធហត្ថខេត្តព្រះវិហារ រឹបអូសបានគ្រឿងញៀនជាង១តោនលើរថយន្តដែលប្លុងចោល

កងរាជអាវុធហត្ថខេត្តព្រះវិហារ រឹបអូសបានគ្រឿងញៀនជាង១តោននៅលើរថយន្តដែលឧក្រិដ្ឋជនប្លុងទុកចោលនៅមុខសាលាវិទ្យាល័យជ័យសែន ស្រុកជ័យសែន ខេត្តព្រះវិហារ កាលពីថ្ងៃទី២១ ខែមករា ឆ្នាំ២០២៤។

ប្រភពកងរាជអាវុធហត្ថខេត្តព្រះវិហារបញ្ជាក់ឱ្យដឹងថា គ្រឿងញៀនដែលរឹបអូសបានជាគ្រឿងញៀនដែលច្រកជា៣៣ការ៉ុង ស្មើនឹង១០២០កញ្ចប់ ដោយមួយកញ្ចប់ស្មើ១ពាន់ក្រោម មានទម្ងន់សរុប ១ ០២០គីឡូក្រាម។ ចំពោះជនសង្ស័យគេមិនទាន់កំណត់អត្តសញ្ញាណបាននៅឡើយទេ ខណៈបច្ចុប្បន្នសមត្ថកិច្ចកំពុងស្រាវជ្រាវដើម្បីយកមកចាត់ការតាមនីតិវិធី៕