អភិបាលរាជធានីភ្នំពេញ និងលោកជំទាវ ព្រមទាំងមន្ទីរអង្គភាពរដ្ធបាលខណ្ខទាំង១៤ បានអញ្ជើញចូលរួមពិធីបុណ្យកាន់បិណ្ឌវេនទី ១១ នៅវត្តសុវណ្ណមុនីសាគរ(បៅវត្តសំរោងអណ្ដែត ខណ្ខសែនសុខ
ភ្នំពេញ ៖នាព្រឹកថ្ងៃអង្គារ ១១រោច ខែភទ្របទ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២៤ ខែកញ្ញា ឆ្នាំ២០១៩នេះ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ និងលោកជំទាវ ព្រមទាំងក្រុមគ្រួសារ និងមន្ត្រីរាជការសាលារាជធានីភំ្នពេញ មន្ទីរអង្គភាព ចំណុះរដ្ឋបាលរាជធានីភំ្នពេញ និងរដ្ឋបាលខណ្ឌទាំង១៤ ព្រមទាំងពុទ្ធបរិស័ទចំណុះជើងវត្ត បានអញ្ជើញចូលរួមពិធីបុណ្យកាន់បិណ្ឌវេនទី១១ និងរាប់បាត្រ ប្រគេនទេយ្យទាន និងបច្ច័យចំពោះព្រះសង្ឃដែលគង់ចាំព្រះវស្សា និងសម្រាប់ការសាងសង់សមិទ្ធផលនានា នៅវត្តសុវណ្ណមុនីសាគរ ហៅវត្តសំរោងអណ្ដែត ស្ថិតនៅក្នុងសង្កាត់គោកឃ្លាង ខណ្ឌសែនសុខ រាជធានីភំ្នពេញ។
ជាមួយគ្នានេះ ឯកឧត្តម ឃួង ស្រេង អភិបាលរាជធានីភ្នំពេញ បានបួងសួងចំពោះព្រះរតនត្រ័យ សូមឱ្យបងប្អូនប្រជាពលរដ្ឋក្នុងរាជធានីភ្នំពេញ ជួបតែសេចក្តីសុខ និងសេចក្ដីចម្រើន គ្រប់ក្រុមគ្រួសារ៕
