អធិការរងស្រុកបាទី ចុះបង្រ្កាបវង់ល្បែងដុះស្លែរបស់ឈ្មោះ ហ៊ីម នៅឃុំត្រពាំងក្រសាំង
ទីតាំងល្បែងប្រជល់មាន់ដុះស្លែ ដែលគេដឹងថា ជារបស់ឈ្មោះ ហ៊ីម ស្ថិតនៅភូមិពញាគុក ឃុំត្រពាំងក្រសាំង ស្រុកបាទី ត្រូវបានលោក ឃុត ចិត្រា អធិការរងនគរបាលស្រុកបាទី បើកប្រតិបត្តិការចុះបង្រ្កាបហើយកាលពីរសៀលថ្ងៃទី១០ ខែកក្កដា ឆ្នាំ២០២២កន្លងទៅនេះ។
ក្នុងការចុះបង្រ្កាបនោះ សមត្ថកិច្ចបានរឹបអូសម៉ូតូចំនួន៦គ្រឿង មាត់មួយក្បាល ប៉ុន្តែអ្នកលេងមិនត្រូវបានឃាត់ខ្លួនឡើយ ដោយសារបានរត់គេចខ្លួនអស់ពេលសមត្ថកិច្ចទៅដល់។
យ៉ាងណាក៏ដោយ លោក ឃុត ចិត្រា បានធ្វើការប្តេជ្ញាថា លោកនឹងធ្វើការបង្រ្កាបល្បែងស៊ីសងឲ្យដូចជាភ្លៀងរលឹម និងគ្មានការយោគយល់ចំពោះអ្នកណាម្នាក់ឡើយ។
ដោយឡែកសម្រាប់ករណីបង្រ្កាបនៅចំណុចភូមិពញាគុកនេះវិញ លោកថា នឹងចាត់ការតាមនីតិវិធីច្បាប់ ដោយមិនលើកលែងនោះទេ៕
