រថយន្ត Visto មួយគ្រឿងកំពុងតែបើកសុខៗ ស្រាប់តែឆ្លងភ្លើង ឆេះខ្ទេច
នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ បានឲ្យដឹងថា នៅវេលាម៉ោង ១២និង០០ នាទីថ្ងៃត្រង់ ថ្ងៃទី០៤ ខែតុលា ឆ្នាំ២០២១ មានករណីអគ្គីភ័យមួយកន្លែងបានកើតឡើងនៅចំណុចមហាវិថីឈ្នះឈ្នះ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ដោយឆេះរថយន្តម៉ាក Visto មួយគ្រឿងគ្មានសល់។
រថយន្តនោះត្រូវបានបញ្ជាក់ថា ពណ៌ខៀវ ពាក់ស្លាកលេខ ភ្នំពេញ ២J-៤៩១៧ មានម្ចាស់ឈ្មោះ សុខ ជឿន ភេទ ប្រុស អាយុ ៤៣ ឆ្នាំ មុខរបរជាយោធា ។
ដោយឡែកមូលហេតុៈដែលបណ្តាលឲ្យឆេះវិញ ត្រូវបានសមត្ថកិច្ចបញ្ជាក់ថា មកពីឆ្លងចរន្តអគ្គិសនី ។
យ៉ាងណាក៏ដោយ ករណីរថយន្តឆេះនេះ សមត្ថកិច្ចបានប្រេីប្រាស់រថយន្តពន្លត់អគ្គិភ័យរបស់ការិយាល័យអគ្គិភ័យ : ចំនួន ០៣ គ្រឿង ប្រេីប្រាស់ទឹកអស់ ០១ រថយន្ត ស្មេីរនឹង ០៤ម៉ែត្រគូប ទើបបានរលត់ទាំងស្រុង៕
