អភិបាលខណ្ខដូនពេញ បានដឹកនាំក្រុមការងារចម្រុះខណ្ខ ចុះត្រួតពិនិត្យទីតាំងការដ្ធានសំណង់ដែលមាន ចាក់បេតុងនៅលើផ្លូវសាធារណៈស្ថិតនៅផ្លូវលេខលេខ១០៦ភូមិ៣ សង្កាត់ស្រះចក
ភ្នំពេញ ៖ នៅព្រឹកថ្ងៃព្រហស្បតិ៍ ០៥កេីត ខែអស្សុជ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៣ ខែតុលា ឆ្នាំ២០១៩ វេលាម៉ោង០៩:០០នាទី ដោយអនុវត្តតាមបទបញ្ជារបស់លោក សុខ ពេញវុធ អភិបាល នៃគណៈអភិបាលខណ្ឌដូនពេញ លោក ម៉ុក ច័ន្ទករុណា អភិបាលរងខណ្ឌ បានដឹកនាំក្រុមការងារចម្រុះខណ្ឌ ចុះត្រួតពិនិត្យទីតាំងការដ្ឋានសំណង់ដែលមានចាក់បេតុងនៅលើផ្លូវសាធារណៈ និងមានសំរាម ទឹកដក់នៅលើផ្លូវសាធារណៈ ស្ថិតនៅផ្លូវលេខ១០៦ ភូមិ៣ សង្កាត់ស្រះចក ខណ្ឌដូនពេញ ។ ពេលចុះដល់ទីតាំងជាក់ស្តែង ពិនិត្យឃេីញថា ការដ្ឋានមានបង្ហូរទឹកឲ្យដក់មកលើផ្លូវសាធារណៈ និងមានចាក់បេតុងលេីផ្លូវផងដែរ ។ ក្រុមការងារបានណែនាំម្ចាស់ការដ្ឋានដូចខាងក្រោម :
– ត្រូវសម្អាតទឹកដក់នៅលើផ្លូវ ជុំវិញការដ្ឋានឲ្យបានស្អាតឡេីងវិញ
– ត្រូវរៀបចំហ៊ុមព័ទ្ធការដ្ឋានឲ្យបានស្អាតឡេីងវិញ ដេីម្បីសោភ័ណ្ឌភាព រាជធានីភ្នំពេញ
– រៀបចំប្រព័ន្ធលូឡេីងវិញ ដែលនៅជុំវិញការដ្ឋានឲ្យបានល្អប្រសេីរ ជៀសវាងការកកស្ទះ
– ហាមមិនឲ្យមានការចាក់បេតុងនៅលេីផ្លូវសាធារណៈ
– ចំពោះបេតុងដែលបានចាក់នៅលេីផ្លូវ ត្រូវកាយយកចេញទាំងអស់ ដេីម្បីកុំឲ្យមានទឹកដក់
– បន្ទាប់ពីកាយបេតុងចេញអស់ហេីយត្រូវអ៊ុតកៅស៊ូ និងធ្វេីចង្អូរទឹកនៅជាប់ចិញ្ចើមផ្លូវ ដេីម្បីឲ្យទឹកហូរចូលប្រព័ន្ធលូមេ ដោយទុករយៈពេល០៣ថ្ងៃ គិតចាប់ពីថ្ងៃធ្វេីកំណត់ហេតុ ។
** បានអានកំណត់ហេតុជូនតំណាងម្ចាស់ការដ្ឋានស្តាប់ចប់សព្វគ្រប់ ហេីយម្ចាស់ការដ្ឋានឯកភាពតាមការណែនាំទាំងស្រុង ៕
