និយ័តករអាជីវកម្មអចលនវត្ថុ បង្ហាញគម្រោងអភិវឌ្ឍន៍ដីឡូត៍ចំនួន១២ ដែលគ្មានអាជ្ញាប័ណ្ណ

និយ័តករអាជីវកម្មអចលនវត្ថុ និងបញ្ចាំ (ន.អ.ប.) បានបង្ហាញឈ្មោះជាសាធារណៈនូវឈ្មោះក្រុមហ៊ុន/គម្រោងអភិវឌ្ឍន៍ដីឡូត៍ចំនួន ១២ ដែលបានធ្វើអាជីវកម្មអភិវឌ្ឍដីឡូត៍ ដោយគ្មានអាជ្ញាបណ្ណ ពីនិយ័តករអាជីវកម្មអចលនវត្ថុ និងបញ្ចាំ នៃក្រសួងសេដ្ឋកិច្ច និងហិរញ្ញវត្ថុ។

ទន្ទឹមនឹងនេះ និយ័តករអាជីវកម្មអចលនវត្ថុ និងបញ្ចាំ បានធ្វើការអំពាវនាវ ដល់សាធារណជនទាំងអស់ត្រូវមានការប្រុងប្រយ័ត្នខ្ពស់បំផុតក្នុងការលក់ទិញ ឬជួល ចូលរួមធ្វើអាជីវកម្ម ឬពាក់ព័ន្ធជាមួយនឹងក្រុមហ៊ុន/គម្រោងអភិវឌ្ឍអចលនវត្ថុដែលលគ្មានអាជ្ញាបណ្ណទាំង ១២នេះ ដែលអាចធ្វើឱ្យខាតបង់ផលប្រយោជន៍ណាមួយជាយថាហេតុ ដូចជា ពុំអាចធ្វើការផ្ទេរកម្មសិទ្ធិជាដើម។

ក្រុមហ៊ុន/គម្រោងអភិវឌ្ឍន៍អចលនវត្ថុដែលលគ្មានអាជ្ញាបណ្ណទាំង ១២នេះ មានដូចជា៖

១. ក្រុមហ៊ុន ដែនដី អង្គរ អិមផាយអឺ ឯក ដែលមាន គម្រោង «ដែនដី អាណាចក្រអង្គរ» មានទីតាំងស្ថិតនៅភូមិព្រៃតុម្ព ឃុំព្រៃឃ្មុំ ស្រុកទឹកឈូ ខេត្តកំពត។

២. ក្រុមហ៊ុន ខេភី រៀល អ៊ីស្ទេត ឯក មានទីតាំងស្ថិតនៅ ភូមិថ្មី ឃុំប្រឡាយ ស្រុកស្ទោង ខេត្តកំពង់ធំ។

៣. គម្រោង «ដីឡូត៍ ម៉ន ដានី» មានទីតាំងស្ថិតនៅ ភូមិច្បារអំពៅ ឃុំព្រៃថ្នង ស្រុកទឹកឈូ ខេត្តកំពត។

៤. ក្រុមហ៊ុន កំពត អេមផាយ ផាក ឌីវេឡុបម៉ិន ឯក ដែលមាន គម្រោង «កំពតរីវើផាក» ដែលមានទីតាំងស្ថិតនៅ ភូមិអន្លង់គគី ឃុំកណ្តោល ស្រុកទឹកឈូ ខេត្តកំពត។

៥. ក្រុមហ៊ុន កំពត ហ្គ្រីនលែន ប្រផឹធី ឯ.ក ដែលមាន គម្រោង «ចំការលំហែកាយ» មានទីតាំងស្ថិតនៅ ភូមិដំណាក់អំពិល ឃុំល្អាង ស្រុកដងទង់ ខេត្តកំពត។

៦. ក្រុមហ៊ុន ដង្ខៅ អ៊ិនវេសម៉ិន ឯ.ក ដែលមាន គម្រោង «ដង្ខៅអចលនទ្រព្យ ក្រុងកំពង់ឆ្នាំង»មានទីតាំងស្ថិតនៅ ភូមិប្រស្មីប ឃុំប្រស្ទីប ស្រុករលាប្អៀរ ខេត្តកំពង់ឆ្នាំង។

៧. ក្រុមហ៊ុន ដាប់បិល ណាញ ឯក ដែលមាន គម្រោង «មរតកទំព័រមាស» មានទីតាំងស្ថិតនៅ ភូមិហោងខ្វាវ ឃុំទំព័រមាស ស្រុកសំរោងទង ខេត្តកំពង់ស្ពឺ។

៨. ក្រុមហ៊ុន វិចិត្រ ដារ៉ា អេនធើប្រាយ ឯ.ក ដែលមាន គម្រោង «បុរី រីសិត មណ្ឌលគិរី» មានទីតាំងស្ថិតនៅ ភូមិពូក្រែង ឃុំដាក់ដាំ ស្រុកអូរាំង ខេត្តមណ្ឌលគីរី។

៩. ក្រុមហ៊ុន ស្តាយ ហ្គាឡាក់ស៊ី អ៊ិនវេសម៉ិន ឯ.ក ដែលមាន គម្រោង «ដីឡូត៍ ស្តាយ ហ្គាឡាក់ស៊ី» មានទីតាំងស្ថិតនៅភូមិព្រៃខ្លា២ ឃុំព្រៃខ្លា ស្រុកស្វាយអន្ទរ ខេត្តព្រៃវែង

១០. គម្រោង «ដីឡូត៍ ទីក្រុងមាស» ដែលមានទីតាំងស្ថិតនៅ ភូមិទានភ្លើង ឃុំ ឃុំស្មោងជើង ស្រុ ស្រុកកំចាយមារ ខេត្តព្រៃវែង។

១១. ក្រុមហ៊ុន ធីឌី អចលនទ្រព្យ សៀមរាប អង្គរ ឯក ដែលមាន គម្រោង «ដីឡូត៍ថ្មី ក្រុងតារ ងតាខ្មៅ» មានទីតាំងស្ថិតនៅ ភូមិឆ្មារពួន ឃុំជើងកែប ស្រុកកណ្តាលស្ទឹង ខេត្តកណ្តាល។

១២. គម្រោង «ដីឡូត៍ សំបួរមាស» មានទីតាំងស្ថិតនៅ ឃុំសំបួរមាស ស្រុក ស្រុកមុខកំពូល ខេត្តកណ្តាល៕