ទីតាំងល្បែងជល់មាន់តាមអនឡាញ លាក់ខ្លួនក្នុងហាងកាហ្វេនៅផ្សារត្រាំខ្នា គ្មានសមត្ថកិច្ចបង្រ្កាប
ទីតាំងល្បែងមួយកន្លែង ដែលមានលេងជល់មាន់តាមអនឡាញ និងឡូតូផងនោះ កំពុងលាក់ខ្លួនលេងយ៉ាងគគ្រឹកគគ្រេងនៅក្នុងហាងកាហ្វេមួយកន្លែង ក្នុងផ្សារត្រាំខ្នា ស្ថិតក្នុងឃុំសុភី ស្រុកបាទី ខេត្តតាកែវ ដោយគ្មានសមត្ថកិច្ចណាចុះបង្រ្កាបឡើយ។
បើយោងតាមសេចក្តីរាយការណ៍ ទីតាំងល្បែងដែលជ្រកក្រោមរូបភាពហាងកាហ្វេមួយនេះ បានបើកលេងជាមួយូរមកហើយ ដោយមានម្ចាស់ឈ្មោះ ម៉ៅ ។ ទីតាំងល្បែងនេះ បើកលេងចាក់ភ្នាល់ជារៀងរាលថ្ងៃ និងមានមនុស្សមកប្រមូលផ្តុំលេងយ៉ាងគគ្រឹកគគ្រេង តែគេមិនដែលឃើញអាជ្ញាធរមូលដ្ឋាន ឬសមត្ថកិច្ចចុះធ្វើការបង្រ្កាបនោះឡើយ ដែលគេសង្ស័យថា អាចអាជ្ញាធរមានផលប្រយោជន៍ ឬផលលាភ ទើបបានជាគ្មានការបង្រ្កាបយ៉ាងនេះ។
ចំពោះករណីនេះ យើងនៅមិនទាន់អាចទាក់ទងសុំការបំភ្លឺពីមេប៉ុស្តិ៍នគរបាលឃុំសុភីបាននៅឡើយទេនៅថ្ងៃ, តែយ៉ាងណាក៏ដោយ ប្រជាពលរដ្ឋដែលរស់នៅក្នុងភូមិសាស្រ្តផ្សារត្រាំខ្នា ស្នើដល់អភិបាលខេត្តតាកែវ ក៏ដូចជាស្នងការនគរបាលខេត្តតាកែវ លោក ឈាង ផាន់ណារ៉ា មេត្តាមានវិធានការចំពោះទីតាំងល្បែងនេះផង ព្រោះទីមួយនេះ កំពុងបង្ករបរិយាកាសអាប់អួរនៅក្នុងមូលដ្ឋានតាមរយៈការលេងហ៊ោកញ្រ្ជៀវរបស់អ្នកលេង ក៏ដូចជាបង្ការជាផលអសន្តិសុខផ្សេងៗនៅក្នុងសង្គម៕
