ឯកឧត្តម ភឺន ផល្លា ពិតជាមន្រ្តីដែលស្គាល់សុខទុក្ខរាស្រ្ត
ឯកឧត្តម ហ៊ុន សុខា និងសហការី តំណាងឲ្យឯកឧត្តម ហឺន ផល្លា ជំនួយការផ្ទាល់សម្តេចតេជោ ហ៊ុន សែន នាយករដ្ឋមន្រ្តី បាននាំយកអំណោយជាគ្រឿងឧបភោគបរិភោគ ទៅចែកជូនគ្រួសារទីទ័លក្រចំនួន៣គ្រួសារ នៅភូមិតំណាក់ត្រយឹង ឃុំត្រាកែន ស្រុកឈូក ខេត្តកំពត។
អំណោយទាំងនោះរួមមាន អង្ករក្នុងមួយគ្រួសារ៥០គីឡូក្រាម មីមួយកេស ទឹកត្រីមួយយួរ ត្រីខមួយ ខ្លឹមស១គីឡូក្រាម ស្ករស១គីឡូក្រាម ប្រេងឆា១ដបធំ ប៊ីចេង១កញ្ចប់ ថវិកាចំនួន៥ម៉ឺនរៀល។
ក្នុងឱកាសនោះ ឯកឧត្តម ហ៊ុន សុខា បានពាំនាំនូវបណ្តាំសាកសួរសុខទុក្ខរបស់ឯកឧត្តម ភឺន ផល្លា ចំពោះលោកយាយលោកតា បងប្អូនយុវជនគណបក្សប្រជាជនទាំងអស់ ដោយសារឯកឧត្តមមានភារកិច្ចច្រើន ទើបចាត់ខ្ញុំជាតំណាងមកសួរសុខទុក្ខ មិនដូចបក្សខ្លះដែលមានទណ្ឌិត និងជនក្បត់ជាតិ៣ជំនាន់កំពុងធ្វើសកម្មភាព យកជីវិតប្រជាជនជាដើមទុន ប្រមូលលុយពីប្រជាពលរដ្ឋក្នុងប្រទេស ក្រៅប្រទេស ដើម្បីប្រយោជន៍ផ្ទាល់ខ្លួន ហើយស្រែកថា ខ្លួនស្នេហាជាតិ។
ឯកឧត្តម ហ៊ុន សុខា មានប្រសាសន៍ទៀតថា លោកយាយលោកតាបងប្អូនឥឡូវរស់នៅក្រោមម្លប់សន្តិភាព ដែលមានសម្តេចអគ្គមហាសេនាបតីតេជោតេជោ ហ៊ុន សែន ប្រើនយោបាយឈ្នះឈ្នះ ទើបប្រទេសជាតិយើងមានសុខសន្តិភាពដូចសព្វថ្ងៃ។
ដូច្នេះ សូមលោកយាយលោកតា បងប្អូនបោះឆ្នោតឆ្នាំ២០២៣នេះ ជូនគណបក្សប្រជាជនកម្ពុជាទាំងអស់គ្នា ដើម្បីថែរក្សាសុខសន្តិភាព៕
