ពលរដ្ឋខ្មែរដែលចូលទៅជប៉ុនលែងតម្រូវឱ្យធ្វេីចត្តាឡីស័កនៅមណ្ឌលរដ្ឋទៀតហេីយ គឺគ្រាន់តែចត្តាឡីស័កនៅកន្លែងខ្លួនស្នាក់នៅប៉ុណ្ណោះ
បើតាមសេចក្តីជូនដំណឹងរបស់ស្ថានឯកអគ្គរាជទូតកម្ពុជាប្រចាំប្រទេសជប៉ុនបានឲ្យដឹងថា ពេលនេះរដ្ឋាភិបាលជប៉ុនបានកែសម្រួលវិធានការព្រំដែន ដោយបានដកប្រទេសកម្ពុជា ចេញពីបញ្ជីប្រទេសដែលតម្រូវឲ្យធ្វើចត្តាឡីស័កពេលមកដល់ជប៉ុន ចំនួន ៣ថ្ងៃនៅកន្លែងដែលរៀបចំដោយប្រធានចត្តាឡីស័កជប៉ុន ដោយនឹងត្រូវអនុវត្តចាប់ពីថ្ងៃទី២០ ខែកញ្ញា ឆ្នាំ២០២១តទៅ។
ដូច្នេះ ចាប់ពីថ្ងៃទី២០ ខែកញ្ញា ឆ្នាំ២០២១តទៅ អ្នកដំណើរមកពីប្រទេសកម្ពុជា និងត្រូវបានអនុញ្ញាតឲ្យធ្វើចត្តាឡីស័កនៅកន្លែងផ្ទាល់ខ្លួនឲ្យបានគ្រប់១៤ថ្ងៃ។
