ព្រឹកមិញ ឆេះហាងកាហ្វេមួយនៅសង្កាត់ក្រាំងធ្នង់
នៅវេលាម៉ោងប្រមាណ ៦ព្រឹក ថ្ងៃទី១២ ខែសីហា ឆ្នាំ២០២១ មានករណីអគ្គិភ័យឆេះផ្ទះមួយកន្លែង កើតឡើងនៅផ្លូវបេ ផ្ទះលេខ៣១ ភូមិក្រាំងអង្រ្កង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
ករណីអគ្គិភ័យនេះ ត្រូវសមត្ថកិច្ចបញ្ជាក់ថាបណ្តាលមកពីឆ្លងចរន្តអគ្គិសនី តែមិនបណ្តាលឲ្យមានមនុស្សរងរបួស ឬស្លាប់ឡើយ គ្រាន់តែឆាប់ឆេះបណ្តាលឲ្យខូចខាតម៉ាស៊ីនឆុងកាហ្វេ ម៉ាស៊ីនវិចខ្ចប់កាហ្វេ ម៉ាស៊ីនកិនគ្រាប់កាហ្វេ ម៉ាស៊ីនក្រឡុកកាហ្វេ ធុងទីកកក សម្ភារៈមួយចំនួន និងពុំបណ្ដាលឲ្យឆេះរាលដាលដល់ផ្ទះអ្នកជិតខាងឡើយ។
យ៉ាងណាក៏ដោយ នៅវេលាម៉ោង៦:៣៥នាទីព្រឹក ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តពន្លត់អគិ្គភ័យរបស់ការិយាល័យអគ្គិភ័យ រាជធានីភ្នំពេញ ចំនួន០២គ្រឿង ប្រើប្រាស់ទឹកអស់ ០១ឡាន ស្មើនឹង ៤ម៉ែត្រគូប៕
