ក្រសួងអប់រំនឹងប្រកាសលទ្ធផលបាក់ឌុបមុនកាលកំណត់នៅរសៀលថ្ងៃទី២៣ វិច្ឆិកា
ក្រសួងអប់រំ យុវជន និងកីឡា បានឲ្យដឹងថា ការប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិសម័យប្រឡង ៦ វិច្ឆិកា ២០២៣ នឹងធ្វើឡើងមុនកាលកំណត់ ពោលគឺនៅវេលាម៉ោង៣រសៀលថ្ងៃទី២៣ ខែវិច្ឆិកា សម្រាប់មណ្ឌលប្រឡងរាជធានីភ្នំពេញ និងខេត្តកណ្តាល ខណៈមណ្ឌលប្រឡងនៅបណ្តាខេត្តផ្សេង នឹងត្រូវប្រកាសនៅព្រឹកថ្ងៃទី២៤ ខែវិច្ឆិកា ២០២៣។
ក្រសួងអប់រំលើកឡើងថា ការប្រកាសលទ្ធផលប្រឡងបាក់ឌុបមុនកាលកំណត់នេះ គឺដោយសារដំណើរការកំណែ និងស្រង់បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុត្រូវបានបញ្ចប់ដោយរលូនមុនកាលកំណត់។
