ផ្ទុះ power bang នៅលើយន្តហោះពីតៃវ៉ាន់ មកសឹង្ហបុរី របួសអ្នកដំណើរ២នាក់
សិង្ហបុរី – អ្នកដំណើរពីរនាក់បានរងរបួស បន្ទាប់ពី power bang របស់ពួកគេបានផ្ទុះ និងឆាបឆេះនៅលើយន្តហោះរបស់ក្រុមហ៊ុន Scoot ដែលកំពុងត្រៀមហោះហើរពីទីក្រុងតៃប៉ិ ទៅប្រទេសសិង្ហបុរីភ្លាមៗ កាលពីយប់ថ្ងៃអង្គារ (១០ មករា)។
ក្រុមហ៊ុនអាកាសចរណ៍ Scoot បាននិយាយ ថា “ជើងហោះហើរ Scoot TR993 ដែលគ្រោងហោះហើរពីទីក្រុងតៃប៉ិទៅកាន់ប្រទេសសិង្ហបុរីនៅវេលាម៉ោង៧យប់ថ្ងៃទី ១០ ខែមករា បានត្រលប់មកច្រកទ្វារវិញ បន្ទាប់ពី power bank សាកថ្មទូរស័ព្ទរបស់អតិថិជនបានឡើងកំដៅខ្លាំង” ។
យោងតាមក្រុមហ៊ុន Scoot ម្ចាស់ power bank និងដៃគូរបស់គាត់បានរងរបួសដោយរលាកតិចតួចដល់ម្រាមដៃរបស់ពួកគេ។
ប្រព័ន្ធផ្សព្វផ្សាយក្នុងស្រុកបានឲ្យដឹងថា យន្តហោះ Scoot កំពុងតែត្រៀមក្នុងការហោះឡើងនៅអាកាសយានដ្ឋាន Taoyuan ក្នុងទីក្រុងតៃប៉ិ តែត្រូវអាជ្ញាធរអាកាសយានដ្ឋានជូនដំណឹងថា មានភ្លើងឆេះក្នុងកាប៊ីននៅម៉ោងប្រហែល ៧ និង៤០នាទីយប់។
អ្នកពន្លត់អគ្គីភ័យត្រូវបានបញ្ជូនទៅភ្លាមៗ ហើយយន្តហោះត្រូវបានអនុញ្ញាតឱ្យត្រឡប់ទៅច្រកទ្វារវិញ បន្ទាប់ពីភ្លើងត្រូវបានពន្លត់។
របាយការណ៍ប្រព័ន្ធផ្សព្វផ្សាយបាននិយាយថា ឧបទ្ទវហេតុនេះមិនប៉ះពាល់ដល់ប្រតិបត្តិការហោះហើរ និងចុះចតនៅព្រលានយន្តហោះ Taoyuan នោះទេ៕
